ఉదయం మహబూబాబాద్ జిల్లా ఎస్పీ తో అవార్డు..!సాయంత్రం అదే ఎస్పీ సస్పెన్షన్ ఆదేశాలు…!!

ఈరోజు ఉదయం మహబూబాబాద్ జిల్లా ఎస్పీ తో అవార్డు..!

సాయంత్రం అదే ఎస్పీ సస్పెన్షన్ ఆదేశాలు…!! 

మహబూబాబాద్ జిల్లా;

మహబూబాబాద్ జిల్లా లో ఘోరం జరిగింది.మహిళా ట్రైనీ ఎస్సై పై ఎస్సై శ్రీనివాస్ రెడ్డి లైగిక వేదింపులకు పాల్పడ్డాడు. ఈ ఘటన దృశ్య బాధితురాలు వరంగల్ సిపి కార్యాలయాన్ని ఆశ్రయించింది.న్యాయం చెయ్యకపోతే ఉద్యోగానికి రాజీనామా చేస్తానని ఆవేదన వ్యక్తం చేశారు. 

● మరిపెడ ఎస్‌ఐపై సస్పెన్షన్‌ వేటు.. లైంగిక వేధింపుల ఆరోపణలపై అధికారుల సీరియస్........!

◆ జిల్లాలోని మరిపెడ SI శ్రీనివాస్‌రెడ్డిపై సస్పెన్షన్‌ వేటు పడింది. లైంగిక వేధింపుల ఆరోపణలు ఎదుర్కొంటున్న SI శ్రీనివాస్‌రెడ్డిపై వరంగల్‌ ఐజీ నాగిరెడ్డి చర్యలు తీసుకున్నారు.

◆ ఎస్సై శ్రీనివాస్ రెడ్డి.. తనపై అత్యాచారయత్నం చేశాడని మహిళా ట్రైనీ ఎస్సై వరంగల్ పోలీస్ కమిషనర్ లో ఆందోళనకు దిగింది. కుటుంబ సభ్యులతో కలిసి సీపీ కార్యాలయానికి వచ్చిన బాధితురాలు తనకు న్యాయం చేయాలంటూ బైఠాయించింది. 

◆ అనంతరం, వరంగల్ పోలీస్ కమిషనర్ తరుణ్ జోషికి ఫిర్యాదు చేసింది. అటవీప్రాంతానికి తీసుకెళ్లి అత్యాచారానికి యత్నించాడని ఆరోపిస్తోంది బాధితురాలు. దీంతో అతనిపై చర్యలు తీసుకున్నారు.

◆ రక్షణ కల్పించాల్సిన పోలీసులు …మృగాళ్లుగా మారుతున్నారు. భద్రత కల్పించాల్సిపోయి.. వాళ్లే, మహిళలపై అఘాయిత్యాలకు పాల్పడుతున్నారు. 

◆ తాజాగా ఎస్సై శ్రీనివాస్ రెడ్డి.. మొత్తం పోలీస్ వ్యవస్థకే మచ్చ తెచ్చేలా ప్రవర్తించాడు. తనతో కలిసి పనిచేస్తున్న మహిళా ఎస్సైపై అనుచితంగా ప్రవర్తించి.. వృత్తికే కలంకం తీసుకొచ్చారాయన.

◆ వ‌రంగ‌ల్ సీపీ ప‌రిధిలో పోస్టింగ్ తీసుకున్న స‌ద‌రు ట్రైనీ ఎస్సై..SHOలున్న పోలీస్ స్టేష‌న్‌లో నెల రోజులు ప్రొహిబిష‌న్ పీరియ‌డ్‌ను కంప్లీట్ చేసుకోవాల్సి ఉంటుంది. ఈ నేపథ్యంలోనే SI ఆమెపై అఘాయిత్యానికి పాల్పడడం పోలీసు వర్గాల్లోనూ చర్చనీయాంశంగా మారింది. బాధితురాలి ఫిర్యాదు మేరకు వరంగల్ పోలీస్ కమిషనర్ తరుణ్ జోషి తీవ్రంగా స్పందించారు.

◆ జరిగిన సంఘటనపై నిజానిజాలు నిగ్గుతేల్చేందుకు విచారణ జరుపుతున్నట్లు తెలిపారు. మహిళా ట్రైనీ ఎస్ఐపై ఎస్సై శ్రీనివాస్ రెడ్డి లైంగిక వేధింపులకు పాల్పడినట్లుగా రుజువైతే ఆయనపై చట్టపరమైన చర్యలు తీసుకుంటామని తరుణ్ జోషి తెలిపారు.